குக் வித் கோமாளியில் சிறகடிக்க ஆசை நடிகரா? இணையத்தில் லீக் ஆன போட்டியாளர்களின் பட்டியல்!

11 months ago 145

ARTICLE AD BOX

ஸ்ட்ரெஸ் பஸ்டர்

தமிழக சின்னத்திரை ரசிகர்களின் மனம் கவர்ந்த நிகழ்ச்சியாக குக் வித் கோமாளி திகழ்ந்து வருகிறது. இதனை Stress Buster என்று பலரும் கூறுகின்றனர். இதுவரை ஒளிபரப்பட்ட 5 சீசன்களும் ரசிகர்களின் மத்தியில் மிகப்பெரிய வரவேற்பை பெற்றிருந்தன. அந்த வகையில் தற்போது குக் வித் கோமாளியின் 6 ஆவது சீசன் வருகிற மே மாதம் 4 ஆம் தேதி முதல் விஜய் தொலைக்காட்சியில் ஒளிபரப்பாகவுள்ளது.

மூன்று நடுவர்கள்

முதல் 4 சீசன்களில் வெங்கடேஷ் பட் மற்றும் தாமு ஆகியோர் நடுவர்களாக இருந்தனர். கடந்த 5 ஆவது சீசனில் வெங்கடேஷ் பட் வெளியேற மாதம்பட்டி ரங்கராஜ் புதிய நடுவராக இணைந்தார். அதனை தொடர்ந்து தற்போது 6 ஆவது சீசனில் மாதம்பட்டி ரங்கராஜ், தாமு ஆகியோருடன் செஃப் கௌஷிக் இணைந்துள்ளார்.

cooku with comali season 6 contestants list

போட்டியாளர்கள் இவர்கள்தான்…

இன்று மாலை 6 மணிக்கு குக் வித் கோமாளி 6 ஆவது சீசனின் போட்டியாளர்களின் பெயர்கள் அறிவிக்கப்படவுள்ளன. எனினும் அதற்கு முன்பே சில போட்டியாளர்களின் பெயர்கள் இணையத்தில் லீக் ஆகியுள்ளன.

அதாவது எதிர்நீச்சல் தொடரின் மூலம் பிரபலமான நடிகை மதுமிதா குக் வித் கோமாளி சீசன் 6 நிகழ்ச்சியில் போட்டியாளராக கலந்துகொள்ளவுள்ளாராம்.

அதே போல் சிறகடிக்க ஆசை புகழ் ஸ்ரீதேவாவும் இந்நிகழ்ச்சியில் போட்டியாளராக கலந்துகொள்ளவுள்ளதாக கூறப்படுகிறது.

இதனை தொடர்ந்து நடிகர் விஜய்யின் நண்பர் சஞ்சீவின் மனைவியான பிரீத்தி சஞ்சீவும் இந்நிகழ்ச்சியில் போட்டியாளராக கலந்துகொள்ளவுள்ளதாக செய்திகள் தெரிவிக்கின்றன.

எனினும் இன்று மாலை 6 மணிக்கு போட்டியாளர்களின் பெயர்களை விஜய் தொலைக்காட்சி அதிகாரப்பூர்வமாக வெளியிடவுள்ள நிலையில் ரசிகர்கள் பலரும் ஆவலோடு காத்துக்கொண்டிருக்கின்றனர்.

புதிய கோமாளிகள்

குக் வித் கோமாளி சீசன் 6 நிகழ்ச்சியில் புகழ், குரேஷி, சுனிதா, ராமர், கேபிஒய் சரத் போன்ற பிரபல கோமாளிகள் இடம்பெறும் நிலையில் சௌந்தர்யா நஞ்சுண்டன், சர்ஜின் குமார், பூவையார், டாலி ஆகியோர் புதிய கோமாளிகளாக இணைந்துள்ளனர்.