ரோபோ சங்கர் மருத்துவமனையில் அனுமதி…. படப்பிடிப்பில் பரபரப்பு!

1 day ago 5

ARTICLE AD BOX

சின்னத்திரை நிகழ்ச்சிகள் மூலம் ரசிகர்களிடம் அறிமுகமாகி, பின்னர் வெற்றிகரமாக சினிமா உலகில் காமெடி நடிகராக உயர்ந்தவர் ரோபோ சங்கர். விஜய், அஜித், சூர்யா, தனுஷ் உள்ளிட்ட பல முன்னணி ஹீரோக்களுடன் இணைந்து நடித்ததன் மூலம் தனக்கென ஒரு இடத்தை பிடித்தார்.

சில ஆண்டுகளுக்கு முன் மஞ்சள் காமாலை காரணமாக அவரது உடல்நிலை மிகவும் பாதிக்கப்பட்டது. அந்த நிலையிலிருந்து அவர் மீளுவது சாத்தியமே இல்லை என்று பலரும் கருதினர். ஆனால், தன்னம்பிக்கையுடனும் குடும்பத்தின் ஆதரவுடனும் குணமடைந்த அவர், பின்னர் தனது மகள் இந்திரஜாவின் திருமணத்தை சிறப்பாக நடத்தி அனைவரையும் ஆச்சரியப்படுத்தினார்.

இந்நிலையில், தற்போது ரோபோ சங்கர் மீண்டும் உடல்நலக் குறைவால் பாதிக்கப்பட்டு, தனியார் மருத்துவமனையில் சிகிச்சைக்காக அனுமதிக்கப்பட்டுள்ளார் என்பது தகவலாக வெளியாகியுள்ளது.

நீர்ச்சத்து குறைபாடு, குறைந்த ரத்த அழுத்தம் காரணமாக அவர் மருத்துவமனையில் அனுமதிக்கப்பட்டுள்ளார் என்ற தகவல் வெளியாகியுள்ளது.